ఐర్లాండ్‌పై శ్రీలంక సునాయాస గెలుపు – టీ-20 ప్రపంచకప్‌

టీ20 ప్రపంచకప్‌ సూపర్-12 గ్రూప్ 1లో ఐర్లాండ్‌తో జరిగిన మ్యాచ్‌లో శ్రీలంక 9 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్ చేసిన ఐర్లాండ్ నిర్ణీత 20 ఓవర్లలో 8 వికెట్ల నష్టానికి 128 పరుగులతో ఓ మోస్తరు స్కోరు సాధించింది. ఓపెనర్ స్టిర్లింగ్ 34, హారీ టెక్టార్ 45 పరుగులు చేశారు. అనంతరం 129 పరుగుల విజయ లక్ష్యంతో బ్యాటింగ్ ప్రారంభించిన శ్రీలంక 15 ఓవర్లలో ఒక్క వికెట్ మాత్రమే కోల్పోయి 133 పరుగులు చేసి విజయ ఢంకా మోగించింది. ఓపెనర్ కుశాల్ మెండిస్ 43 బంతుల్లో 5 ఫోర్లు, 3 సిక్సర్లతో 68 పరుగులు చేసి నాటౌట్‌గా నిలవగా, ధనంజయ డి సిల్వ 31, చరిత్ అసలంక 31(నాటౌట్) పరుగులు చేశారు.