ముఖ్యమంత్రి జగన్‌ను కలిసిన ఏపీ క్షత్రియ ఫెడరేషన్‌ ప్రతినిధి బృందం

అమరావతి : సీఎం క్యాంప్‌ కార్యాలయంలో ముఖ్యమంత్రి వైఎస్‌ జగన్‌ మోహన్ రెడ్డి
ని సోమవారం ఏపీ క్షత్రియ ఫెడరేషన్‌ ప్రతినిధి బృందం కలిసింది. అల్లూరి
సీతారామరాజు పేరును నూతనంగా ఏర్పాటైన జిల్లాకు పెట్టడంపై ముఖ్యమంత్రికి
క్షత్రియ ఫెడరేషన్‌ ప్రతినిధులు
ధన్యవాదాలు తెలిపారు. అంతేకాక క్షత్రియ సామాజిక వర్గానికి సంబంధించి ఏపీ
క్షత్రియ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ను ఏర్పాటు చేసి పేద
క్షత్రియులను ఆదుకుంటున్నందుకు వారి తరపున ముఖ్యమంత్రికి ప్రతినిధులు
కృతజ్ఞతలు తెలిపారు. ఇప్పటివరకు సేవాసమితి పేరుతో సేవా కార్యక్రమాలు
నిర్వహిస్తున్న తాము ఏపీ క్షత్రియ ఫెడరేషన్‌ను ఏర్పాటుచేసి మరింత విస్తృతంగా
సేవా కార్యక్రమాలు చేయనున్నట్లు
ప్రతినిధులు సీఎంకి వివరించారు. ప్రభుత్వం తరపున అవసరమైన సహకారం ఉంటుందని సీఎం
హామీ ఇచ్చారు. ఏపీ ప్రభుత్వ చీఫ్‌ విప్‌ ముదునూరి ప్రసాదరాజు, ఏపీ క్షత్రియ
ఫెడరేషన్‌ అధ్యక్ష, ప్రధాన కార్యదర్శులు వెంకటపతి రాజు, దాట్ల సత్యనారాయణ
రాజు, ఏపీ క్షత్రియ వెల్ఫేర్‌ అండ్‌ డెవలప్‌మెంట్‌ కార్పొరేషన్‌ ఛైర్మన్‌
పాతపాటి శ్రీనివాసరాజు, క్షత్రియ ఫెడరేషన్‌ వైస్‌ ఛైర్మన్‌ టీవీఎస్‌ ఆంజనేయ
రాజు, గాదిరాజు సుబ్బరాజు సీఎం జగన్ ను కలిసిన వారిలో ఉన్నారు.