కీర్తిచక్ర, శౌర్యచక్ర అవార్డుల ప్రదానం

న్యూఢిల్లీ : విధి నిర్వహణలో అద్వితీయమైన ధైర్య సాహసాలు ప్రదర్శించినందుగ్గాను
సైనిక, పారా మిలటరీ, పోలీసు విభాగాల సిబ్బందికి భారత సాయుధ దళాల సుప్రీం
కమాండర్‌ అయిన రాష్ట్రపతి ద్రౌపదీ ముర్ము అవార్డులు ప్రదానం చేశారు. 8
కీర్తిచక్ర అవార్డులు (అయిదుగురికి మరణానంతరం), 29 శౌర్యచక్ర అవార్డులు
(అయిదుగురికి మరణానంతరం) ఈ సందర్భంగా అందజేశారు. రాష్ట్రపతి భవన్‌లో ఈ
కార్యక్రమం జరిగినట్లు రక్షణ మంత్రిత్వశాఖ ఓ ప్రకటనలో తెలిపింది. ఉప
రాష్ట్రపతి జగదీప్‌ ధన్‌ఖడ్‌, ప్రధానమంత్రి నరేంద్ర మోదీ, రక్షణమంత్రి
రాజ్‌నాథ్‌ సింగ్‌, పలువురు ఇతర కేంద్ర మంత్రులు, ఉన్నతాధికారులు పాల్గొన్నారు.