తొలి కౌబాయ్ చిత్రం మోసగాళ్లకు మోసగాడు: మే 31 న కృష్ణ జయంతి సందర్భంగా రీ రిలీజ్..!

టాలీవుడ్ లో దివంగత సూపర్ స్టార్ కృష్ణది ప్రత్యేక స్థానం. నటుడిగా,
నిర్మాతగా తెలుగు తెరకు ఎన్నో సాంకేతిక హంగులను పరిచయం చేశారాయన. భారత చిత్ర
పరిశ్రమలోనే తొలిసారిగా కృష్ణ నటించిన తొలి కౌబాయ్ చిత్రం మోసగాళ్లకు మోసగాడు.
52 ఏళ్ల కిందట వచ్చిన ఈ సినిమా అప్పట్లో సంచలనం సృష్టించింది. ఈ చిత్రం
ఇప్పుడు మరోసారి ప్రేక్షకుల ముందుకు రానుంది.

తెలుగు చిత్ర పరిశ్రమలో ఈ మధ్య రీ రిలీజ్ ల ట్రెండ్ నడుస్తోంది. తమ
అభిమాన హీరోలు, దర్శకుల పుట్టిన రోజు సందర్భంగా వారి బ్లాక్ బస్టర్ చిత్రాలు
కొత్త హంగులతో మళ్లీ రిలీజ్ అవుతున్నాయి. ఈ జాబితాలో మోసగాళ్లకు మోసగాడు
చిత్రం చేరనుంది.
మే 31 నాడు కృష్ణ జయంతి సందర్భంగా ఈ చిత్రాన్ని రీ-రిలీజ్ చేసి
ప్రేక్షకుల ముందుకు తీసుకురానున్నారు. ఈ చిత్రం తొలుత 1971, ఆగస్ట్ 27న
విడుదలై అప్పట్లో క్లాసిక్ హిట్ గా నిలిచింది. తాజాగా 4కే క్వాలిటీతో రీరిలీజ్
చేస్తున్నట్టు నిర్మాత ఆదిశేషగిరిరావు ప్రకటించారు. రీ రిలీజ్ పోస్టర్లను
విడుదల చేశారు.