గ్రామ వార్డు సచివాలయాల శాఖ నూతన డైరెక్టర్ డా.లక్ష్మీ షా ను కలిసిన గ్రామ వార్డు సచివాలయ ఎంప్లాయిస్ ఫెడరేషన్ సభ్యులు

వెలగపూడి : గ్రామ వార్డు సచివాలయ ఎంప్లాయిస్ ఫెడరేషన్ ఆంధ్రప్రదేశ్ రాష్ట్ర
అధ్యక్షులు ఎం.డి.జాని పాషా ఆధ్వర్యంలో రాష్ట్ర కమిటీ బృందం గ్రామ వార్డు
సచివాలయాల శాఖ నూతన డైరెక్టర్ గా నియమితులైన డా.లక్ష్మీ షా ను కలిసి
శుభాకాంక్షలు తెలిపారు. అనంతరం డైరెక్టర్ లక్ష్మీ షా ని కలిసిన ఫెడరేషన్
నాయకులకు సచివాలయ ఉద్యోగ వ్యవస్థ దేశంలోనే ఆదర్శవంతమైన గొప్ప వ్యవస్థ అని ఈ
వ్యవస్థలో పని చేయడం మీ అందరి అదృష్టంగా భావించాలని, ఉద్యోగులు ఎల్లప్పుడూ
ప్రజలకు అందుబాటులో ఉంటూ అందరూ కష్టపడి పనిచేయాలని, సచివాలయ వ్యవస్థకు మంచి
పేరు తీసుకొని రావాలని ఆదేశించారు. అలాగే ఈ వ్యవస్థలో పనిచేస్తున్న మహిళా
ఉద్యోగులు పురుష ఉద్యోగుల కంటే మెరుగైన సేవలు అందిస్తున్నారని మహిళా
ఉద్యోగులను ప్రత్యేకంగా ప్రసంశించారు. సచివాలయ వ్యవస్థ ఇంకా మెరుగైన
స్థాయిలోకి తీసుకొని వెళ్లడంలో ఏవైనా సమస్యలు ఉంటే వారి ద్రుష్టికి తీసుకొని
రావాలని డైరెక్టర్ ఆదేశించారు.