ఆన్‌లైన్ హోటల్ బుకింగ్ కంపెనీలు మేక్‌మైట్రిప్ లిమిటెడ్, గోయిబిబో, ఐపిఓ-బౌండ్ హోటల్ చైన్ ఓయోలకు పోటీ వ్యతిరేక ప్రవర్తన కారణంగా భారత పోటీ నియంత్రణ సంస్థ రూ.392 కోట్ల భారీ జ‌రిమానాను విధించింది.
మేక్‌మైట్రిప్ తన ప్లాట్‌ఫారమ్‌లో సాఫ్ట్‌బ్యాంక్-మద్దతుగల ఓయోకు ప్రత్యేక ట్రీట్‌మెంట్ ఇచ్చిందని హోటల్ బాడీ చేసిన ఆరోపణల నేపథ్యంలో ఈ జ‌రిమానాను విధించారు. కాంపిటీషన్ కమిషన్ ఆఫ్ ఇండియా (సిసిఐ)-2019 చ‌ట్టం ప్ర‌కారం స‌ద‌రు కంపెనీల‌పై దర్యాప్తు చేప‌ట్టి భారీ జ‌రిమానాను విధించిన‌ట్లు భారత పోటీ నియంత్రణ సంస్థ తెలిపింది. సీసీఐ మేక్‌మైట్రిప్, గోయిబిబోకి సుమారు రూ. 223.48 కోట్లు (27 మిలియన్ డాల‌ర్లు) జరిమానా విధించిన తర్వాత వారి మార్కెట్ ప్రవర్తనను సవరించాలని ఆదేశించింది.
అదేవిధంగా ఓయోకు రూ. 168.88 కోట్లు (20 మిలియన్ డాలర్ల) జరిమానా విధించింది. ఫెడరేషన్ ఆఫ్ హోటల్, రెస్టారెంట్ అసోసియేషన్స్ ఆఫ్ ఇండియా కు ఓయో మరియు మార్కెట్ మై ట్రిప్‌న‌కు మధ్య జరిగిన ఒప్పందాలు పోటీదారులకు మార్కెట్ యాక్సెస్‌ను పరిమితం చేస్తున్నాయని సీసీఐ ఆరోపించింది.
మూలం: ఎకనామిక్ టైమ్స్
