కృష్ణఛైతన్య దర్శకుడిగా విష్వక్సేన్ కొత్త సినిమా!

విష్వక్సేన్ హీరోగా ఇటీవల వచ్చిన ‘దాస్ కా ధమ్కీ’ మంచి వసూళ్లను
రాబట్టింది. ఆ తరువాత ఆయన నుంచి రానున్న సినిమా, ఈ రోజునే పట్టాలెక్కింది.
కెరియర్ పరంగా ఇది విష్వక్ సేన్ కి 11వ సినిమా. దిల్ రాజు క్లాప్ తో ఈ సినిమా
షూటింగు లాంఛనంగా మొదలైంది. కృష్ణఛైతన్య ఈ సినిమాకి దర్శకుడిగా
వ్యవహరిస్తున్నాడు.

నాగవంశీ – సాయి సౌజన్య కలిసి నిర్మిస్తున్న ఈ సినిమాకి టైటిల్ ను ఇంకా ఖరారు
చేయలేదు. ఈ కథ ఏ జోనర్ లో నడుస్తుందనే సంగతి కూడా గోప్యంగానే ఉంచారు.
విష్వక్సేన్ డిఫరెంట్ లుక్ తో కనిపించనున్నాడనే విషయం మాత్రం అర్థమవుతోంది.
యువన్ శంకర్ రాజా ఈ సినిమాకి సంగీతాన్ని అందిస్తున్నాడు.

ఇక ఈ సినిమాలో విష్వక్సేన్ సరసన నాయికగా అంజలి కనిపించనుందని అంటున్నారు.
అంజలి ఒక వైఫున వెబ్ సిరీస్ లను కవర్ చేస్తూనే, మరో వైపున తెలుగు .. తమిళ ..
కన్నడ సినిమాలలోను అవకాశాలను చేజిక్కించుకుంటూ ఉంది. ఆమె కొత్త ప్రాజెక్టులలో
ఈ సినిమా కూడా చేరిoది.