అభివృద్ధిలో తెలంగాణ అన్‌స్టాపబుల్‌.. బీ ఆర్ ఎస్ హ్యాట్రిక్‌ ఖాయం

హైదరాబాద్ : తెలంగాణ ప్రగతి రథచక్రాన్ని ఎవరూ ఆపలేరని సీఎం కేసీఆర్‌ నీడను
కూడా తాకే ప్రతిపక్షం రాష్ట్రంలో లేదని భారత రాష్ట్ర సమితి కార్యనిర్వాహక
అధ్యక్షుడు, మంత్రి కేటీఆర్‌ పేర్కొన్నారు. ముఖ్యమంత్రి నేతృత్వంలో ప్రగతి
రథచక్రం ఆగదని, తెలంగాణ, హైదరాబాద్‌ల అభివృద్ధి అన్‌స్టాపబుల్ అని
వ్యాఖ్యానించారు. ఈ ఎన్నికల్లో బీఆర్‌ఎస్‌ హ్యాట్రిక్‌ కొట్టడం ఖాయమని ధీమా
వ్యక్తం చేశారు. తమకు కాంగ్రెస్‌తోనే పోటీ అని, బీజేపీ సామాజిక మాధ్యమాల్లో
ఎక్కువ, సమాజంలో తక్కువ అని అభిప్రాయం వ్యక్తం చేశారు.