ఓడించింది. కోల్ కతా ఈడెన్ గార్డెన్స్ లో జరిగిన మ్యాచ్ లో చెన్నై సూపర్
కింగ్స్ 49 పరుగుల తేడాతో ఘనవిజయం సాధించింది. 236 పరుగుల భారీ లక్ష్యంతో
బరిలో దిగిన కోల్ కతా నైట్ రైడర్స్ 20 ఓవర్లలో 8 వికెట్లకు 186 పరుగులు
మాత్రమే చేసి ఓటమిపాలైంది. హార్డ్ హిట్టర్ రింకూ సింగ్ 53 పరుగులతో నాటౌట్ గా
మిగిలాడు.
అంతకుముందు, జాసన్ రాయ్ 26 బంతుల్లో 5 ఫోర్లు, 5 సిక్సులతో 61 పరుగులు చేసి
విధ్వంసక ఇన్నింగ్స్ ఆడాడు. రాయ్ మరికాసేపు క్రీజులో ఉండుంటే పరిస్థితి మరోలా
ఉండేది. తీక్షణ బౌలింగ్ లో వరుసగా రెండు ఫోర్లు బాదిన రాయ్ ఆ తర్వాత బంతికి
బౌల్డ్ అయ్యాడు. కోల్ కతా ఇన్నింగ్స్ లో ఓపెనర్లు ఎన్ జగదీశన్ (1), సునీల్
నరైన్ (0) దారుణంగా విఫలమయ్యారు.
ఆ తర్వాత వెంకటేశ్ అయ్యర్ 20, కెప్టెన్ నితీశ్ రాణా 27 పరుగులతో
ఫర్వాలేదనిపించారు. పవర్ హిట్టింగ్ చేస్తాడుకున్న ఆండ్రీ రస్సెల్ ఒక సిక్స్
బాది అంతటితో సరిపెట్టుకున్నాడు. రస్సెల్ 9 పరుగులు చేసి పతిరణ బౌలింగ్ లో
అవుటయ్యాడు.
చివరి 5 ఓవర్లలో కోల్ కతా జట్టు వెంటవెంటనే వికెట్లు కోల్పోగా, సాధించాల్సిన
రన్ రేట్ భారీగా పెరిగిపోయింది. సిక్సర్ల వీరుడు రింకూ సింగ్ క్రీజులో
ఉన్నప్పటికీ ప్రయోజనం లేకపోయింది. రింకూ సింగ్ ఓ సిక్స్ కొట్టి అర్ధసెంచరీ
పూర్తి చేసుకోవడం ఒక్కటే కాస్త చెప్పుకోదగ్గ విషయం.
చెన్నై సూపర్ కింగ్స్ బౌలర్లలో తుషార్ దేశ్ పాండే 2, మహీశ్ తీక్షణ 2, ఆకాశ్
సింగ్ 1, మొయిన్ అలీ 1, జడేజా 1, పతిరణ 1 వికెట్ తీశారు. అంతకుముందు, టాస్ ఓడి
బ్యాటింగ్ కు దిగిన చెన్నై సూపర్ కింగ్స్ జట్టు నిర్ణీత 20 ఓవర్లలో 4
వికెట్లకు 235 పరుగులు చేసింది. అజింక్యా రహానే 71 (నాటౌట్), డెవాన్ కాన్వే
56, శివమ్ దూబే 50, రుతురాజ్ గైక్వాడ్ 35 పరుగులు చేశారు.
