Ravanasura: విడుదలకు ముందు రోజే రావణాసుర నుంచి వీడియో లీక్‌.. రవితేజ క్యారెక్టర్‌ మరీ ఇంత నెగిటివా.?

సినిమా ఇండస్ట్రీని లీకుల బెడద వెంటాడుతూనే ఉంది. నిర్మాతలు ఎన్నిరకాల
చర్యలు తీసుకున్నా, ఎన్ని కట్టుదిట్టమైన చర్యలు చేపట్టినా షూటింగ్ స్పాట్
నుంచి వీడియోలు లీక్‌ అయిన సంఘటనలు చూశే ఉంటాం. ఇక సినిమా విడుదలకు ముందే
ఫైనల్‌ ప్రింట్‌కు సంబంధించిన వీడియోలు సైతం నెట్టింట వైరల్‌ అయిన ఘటనలు కూడా
విదితమే. తాజాగా రవితేజ కొత్త చిత్రం రావణాసుర చిత్రానికి సైతం ఈ లీక్‌ల బెడద
తప్పలేదు. విడుదలకు ఒక రోజు ముందే సినిమాలో కీలక సన్నివేశం లీక్‌ అయ్యింది.

సుధీర్‌ వర్మ డైరెక్ట్‌ చేస్తున్న ఈ చిత్రంలో దక్షా నగార్కర్‌, అను
ఇమ్మాన్యుయేల్‌, మేఘా ఆకాశ్‌, ఫరియా అబ్దుల్లా, పూజిత పొన్నాడ హీరోయిన్స్‌గా
నటిస్తున్న విషయం తెలిసిందే. ఏప్రిల్‌ 7వ తేదీన విడుదలకు సిద్ధంగా ఉన్న ఈ
సినిమాలోని ఓ సన్నివేశం ప్రస్తుతం నెట్టింట వైరల్‌ అవుతోంది. ‘కంచం ముందుకి,
మంచం మీదకి ఆడపిల్లలు పిలవంగనే రావాలి.. లేకపోతే నాకు మండుద్ది’ అని రవితే
డైలాగ్‌ చెబుతున్న ఈ వీడియో నెట్టింట తెగ చక్కర్లు కొడుతోంది.

వైరల్‌ అవుతోన్న ఈ వీడియో చూస్తుంటే రవితేజ పూర్తిగా నెగిటివ్‌
షేడ్స్‌లో నటిస్తున్నట్లు కనిపిస్తోంది. ఇదిలా ఉంటే ఈ సినిమాలో రవితేజ
డ్యూయల్‌ రోల్‌లో నటించనున్నట్లు జరిగిన ప్రచారంలో వాస్తవం ఉన్నట్లు
తెలుస్తోంది. మరి ఇందులో ఎంత వరకు నిజం ఉందో తెలియాలంటే సినిమా విడుదల వరకు
వేచి చూడాల్సిందే.