చూసినా.. ఓ వైపు జగన్ ఫొటో.. మరో వైపు మహేష్ బాబు ఫొటోలు కనిపిస్తాయి
ఫ్లెక్సీలలో. ముఖ్యంగా కోనసీమ ప్రాంతాల్లో అయితే.. మహేష్ బాబు సినిమా
వచ్చిందంటే.. తమ అభిమాన హీరో మహేష్ బాబు ఫొటోతో పాటు.. సీఎం జగన్ ఫొటోలు కూడా
వేస్తుంటారు చాలామంది. జగన్ అంటే మహేష్ బాబు.. మహేష్ బాబు అంటే జగన్
అన్నట్టుగా హడావిడి చేస్తుంటారు. నేనున్నాను .. నేను విన్నాను అనే డైలాగ్ కూడా
కొంత జగన్ మాటగా జనాల్లోకి వెళ్లింది.. మరి ఆదే మాట మహేష్ నోట వచ్చేసరికి
హైలైట్ అయిన విషయం తెలిసిందే.
మహేష్ బాబు సినిమాకి టైటిల్ అయితే ఫ్యాన్స్ ఉత్సాహం మామూలుగా ఉండదు మరి.
చాలామందికి ఉత్సాహం ఉరకలేస్తుందంతే…ఇంతకీ విషయం ఏంటంటే.. మహేష్
బాబు-త్రివిక్రమ్ కాంబోలో SSMB28 కొత్త సినిమా రాబోతుంది. ‘అతడు’ సినిమాతో
మహేష్ బాబుకి సూపర్ హిట్ ఇచ్చిన త్రివిక్రమ్.. ‘ఖలేజా’ సినిమాతో ఫ్లాప్ రుచి
చూపించారు. ఓ హిట్టు.. ఓ ఫ్లాప్‌తో లెక్క సమం చేసి.. ఇప్పుడు మళ్లీ మహేష్
బాబుతో హ్యాట్రిక్ మూవీకి రంగం సిద్ధం చేశారు.
అయితే ఈ సినిమాకి త్రివిక్రమ్ ‘అ’ సెంటిమెంట్‌ని రిపీట్ చేస్తూ.. ‘అమ్మఒడి’
అనే టైటిల్‌ని ఫిక్స్ చేసినట్టు తెలుస్తోంది. అమ్మ సెంటిమెంట్‌తో వస్తున్న ఈ
చిత్రానికి ఈ టైటిల్ అయితే పర్ఫెక్ట్‌గా సూట్ అవుతుండటంతో ఉగాది కానుకగా ఈ
టైటిల్‌ని రివీల్ చేసే అవ‌కాశం ఉన్న‌ట్లు స‌మాచారం.
అత్తారింటికి దారేది, అజ్ఞాతవాసి, అరవింద సమేత వీర రాఘవ, అల వైకుంఠపురంలో,
అతడు, అఆ.. ఇవన్నీ త్రివిక్రమ్ డైరెక్షన్‌లో వచ్చిన చిత్రాలు. ఈ సినిమాలన్నీ
‘అ’ అక్షరంతో మొదలయ్యాయి. ఇదే సెంటిమెంట్‌ని మహేష్ బాబు సినిమాకి కూడా రిపీట్
చేయబోతున్నారట త్రివిక్రమ్. మొదట్లో ‘అయోధ్య‌లో అర్జునుడు’ అనే టైటిల్
అనుకున్నప్పటికీ.. ‘అమ్మఒడి’ అయితేనే కథకి కనెక్ట్ అవుతుందనే ఉద్దేశంలో
ఉన్నారట.పైగా మహేష్ బాబుకి వైఎస్ జగన్‌కి కామన్ ఫ్యాన్స్ ఎక్కువగా ఉండటంతో ఈ
టైటిల్ పెడితే బాగుంటుందనే అభిప్రాయంలో మహేష్ బాబు కూడా ఓకే చెప్పినట్టు
తెలుస్తోంది. అయితే ‘అమ్మఒడి’ పథకంతో జగన్ ప్రభుత్వానికి మంచి పేరు వచ్చింది.
అమ్మ ఒడితో పాటుగా.. విద్యాదీవెన, వసతి దీవెన, విద్యాకానుక, సంపూర్ణ పోషణ,
కంటి వెలుగు, గోరుముద్ద.. రీసెంట్‌గా ‘జగనన్న గోరుముద్ద – రాగి జావ’ పథకాల
ద్వారా విద్యారంగంలో ప్రగతిశీల అడుగులు వేస్తున్నారు సీఎం జగన్. అయితే ఇప్పుడు
మహేష్ బాబు మూవీకి జగన్ ప్రభుత్వ పథకం ‘అమ్మఒడి’ పేరు పెడితే అది రాజకీయ
వర్గాల్లో కూడా హాట్ టాపిక్కే అనొచ్చు. ఇక్కడ మరో ఆసక్తికరమైన చర్చ ఏంటంటే..
మహేష్ బాబు మూవీకి ‘అమ్మఒడి’ టైటిల్ పెట్టడానికి అసలు త్రివిక్రమ్
ఒప్పుకోరనేది- ఒక టాక్. ఇది ఖచ్చితంగా రూమరే అయ్యి ఉంటుందని.. ఓ వైపు పవన్
కళ్యాణ్‌కి అత్యంత ఆప్తుడైన త్రివిక్రమ్.. రాజకీయంగానూ తెరవెనుక చక్రం
తిప్పుతుంటారనే టాక్ ఉంది. పవన్ కళ్యాణ్‌ స్పీచ్‌లన్నీ త్రివిక్రమ్ కలం నుంచి
వెళ్లినవే అనేది చాలామంది అనేమాట. ఇలాంటి పరిస్థితుల్లో.. మహేష్ బాబు
సినిమాకి.. జగన్ ప్రభుత్వ పథకమైన ‘అమ్మఒడి’ టైటిల్ పెడతారంటే డౌటే.
