ఎంబసీలకు పాకిన నాటు- నాటు డ్యాన్స్ క్రేజ్

నాటు. నాటు పాటకు అంతర్జాతీయ క్రేజ్ ఎప్పుడో వచ్చేసింది. కాాకపోతే ఆస్కార్
తర్వాత అది మరింత దూసుకుపోతోంది… గల్లీ పిల్లల నుంచి ఆఫీసర్ల దాకా ఈ
స్టెప్పులు ప్రాక్టీస్ చేస్తున్నారంటే ఆశ్చర్యం కలుగుతుంది.
ఆర్ఆర్ఆర్ చిత్రంలోని నాటు నాటు పాట ఇటీవల గెల్చుకున్న ఆస్కార్ తో
సరిహద్దులు, భాషలకు అతీతంగా ప్రజల్లోకి వెళుతోంది. కొన్నిరోజుల కిందట ఢిల్లీలో
కొరియా దౌత్య సిబ్బంది నాటు నాటు పాటకు డ్యాన్స్ చేయడం తెలిసిందే. ఇప్పుడదే
బాటలో జర్మనీ దౌత్య సిబ్బంది కూడా నాటు నాటు పాటకు స్ట్రీట్ డ్యాన్స్ చేశారు.
ఈ పాటలో జర్మన్ ఎంబసీ ఉద్యోగులతో కలిసి జర్మనీ రాయబారి కూడా కాలు కదపడం
విశేషం. దీనికి సంబంధించిన వీడియోను భారత వ్యాపార దిగ్గజం ఆనంద్ మహీంద్రా
పంచుకున్నారు.
కొరియన్ ఎంబసీ తరహాలోనే జర్మనీ దౌత్య కార్యాలయ సిబ్బంది కూడా ఢిల్లీ చాందినీ
చౌక్ లో నాటు నాటు పాటకు స్టెప్పులేశారని ఆనంద్ మహీంద్రా వెల్లడించారు.
చూస్తుంటే నాటు నాటు పాటకు ఎవరు బాగా డ్యాన్స్ చేస్తారో అని దౌత్య కార్యాలయాలు
ఒలింపిక్స్ తరహాలో పోటీ పడుతున్నట్టుంది అని చమత్కరించారు. మరి ఈ వరుసలో
నెక్ట్స్ డ్యాన్స్ చేసే ఎంబసీ ఏ దేశానిది? అంటూ ఆనంద్ మహీంద్రా ట్వీట్ చేశారు.