సౌరభ్ గంగూలీ బయోపిక్‌లో స్టార్ హీరో రణబీర్ కపూర్..

భారతీయ క్రికెట్ జట్టు సౌరవ్ గంగూలీ కెప్టెన్సీలో ఎన్నో చిరస్మరణీయ విజయాలను
అందుకుంది. ఆయన నేతృత్వంలోనే టీమిండియా ప్రపంచ దిగ్గజ టీమ్ గా ఎదిగింది.
ప్రస్తుతం గంగూలీ జీవిత చరిత్ర ఆధారంగా బాలీవుడ్ లో ఓ బయోపిక్ తెరకెక్కుతోంది.
ఈ సినిమాకు స్వయంగా గంగూలీ స్క్రిప్ట్ అందిస్తున్నారట. తాజాగా ఈ సినిమాకు
సంబంధించి కీలక అప్ డేట్ వచ్చింది. ఇందులో హీరోగా బాలీవుడ్ యంగ్ హీరో రణ్ బీర్
కపూర్ ఫిక్స్ అయ్యారట. త్వరలో అధికారిక ప్రకటన రానున్నట్లు తెలుస్తోంది.
ఇప్పటికే ఈ సినిమాలో హీరో కోసం హృతిక్ రోషన్, సిద్ధార్థ్ మల్హోత్రా సహా
పలువురు హీరోల పేర్లను పరిశీలించారట. చివరకు రణ్ బీర్ ఓకే అయినట్లు
తెలుస్తోంది. ఈ నేపథ్యంలో రణ్ బీర్ త్వరలో కోల్ కతాకు వెళ్లనున్నారట. గంగూలీ
ఇంటితో పాటు ఈడెన్ గార్డెన్స్, బెంగాల్ క్రికెట్ అసోసియేషన్ కార్యాలయాన్ని
సందర్శించనున్నారట. త్వరలోనే ఈ సినిమా షూటింగ్ మొదలుకానున్నట్లు తెలుస్తోంది.
ఇదే విషయానికి సంబంధించిన అధికారిక ప్రకటన కూడా త్వరలో విడుదలకానుంది.
కోల్‌కతాలో తన రాబోయే చిత్రం తు ఝూతి మైన్ మక్కార్ ప్రచార కార్యక్రమంలో
రణబీర్ కపూర్ క్రికెటర్ సౌరవ్ గంగూలీ బయోపిక్ గురించి మాట్లాడారు. ప్రెస్
మీట్ సందర్భంగా గతంలో సంజయ్ దత్ బయోపిక్ సంజులో నటించిన రణబీర్, దివంగత
గాయకుడు, నటుడు కిషోర్ కుమార్ బయోపిక్‌లో తాను పనిచేస్తున్నట్లు ధృవీకరించాడు.
క్రికెటర్ సౌరవ్ గంగూలీపై బయోపిక్ తీస్తున్నారా? అని కూడా రణ్‌బీర్‌ని
విలేకరులు ప్రశ్నించగా సున్నితమైన సమాధానం ఇచ్చాడు.