ఐసీసీ టెస్ట్ ర్యాంకింగ్స్ లో దూసుకెళ్లిన భారత క్రికెటర్లు..

ఆస్ట్రేలియాతో జరిగిన తొలి రెండు టెస్టుల్లో విజయం సాధించడంలో కీలకపాత్ర
పోషించిన స్పిన్ ద్వయం రవిచంద్రన్ అశ్విన్, రవీంద్ర జడేజా తాజా టెస్ట్
ర్యాంకింగ్స్‌లో దూసుకెళ్లారు. ఆస్ట్రేలియాతో జరిగిన తొలి రెండు టెస్టుల్లో
అద్భుత ప్రదర్శన చేసిన భారత ఆల్‌రౌండర్ రవీంద్ర జడేజా ఐసీసీ టెస్ట్ బౌలర్ల
ర్యాంకింగ్స్‌లో టాప్ 10లోకి దూసుకెళ్లాడు. బోర్డర్-గవాస్కర్ సిరీస్‌లో రెండు
టెస్టుల నుంచి 17 వికెట్లతో అగ్రస్థానంలో లెఫ్ట్ ఆర్మ్ బౌలర్ ఉన్నాడు. బౌలర్
ర్యాంకింగ్స్‌లో జడేజా తొమ్మిదో స్థానానికి చేరుకున్నాడు. రవిచంద్రన్ అశ్విన్,
జస్ప్రీత్ బుమ్రాలతో టాప్-10లో జడేజా మూడో భారత ఆటగాడు. 2019 సెప్టెంబర్
తర్వాత జడేజా మళ్లీ తొలి పది స్థానాల్లోకి రావడం ఇదే తొలిసారి. బౌలర్ల
విభాగంలో రైట్ ఆర్మ్ ఆఫ్ స్పిన్నర్ అశ్విన్ 864 పాయింట్లతో రెండో స్థానానికి
చేరుకున్నాడు. భారత ఆల్-రౌండర్ అక్షర్ పటేల్ ఆల్‌రౌండర్ల విభాగంలో రెండు
స్థానాలు ఎగబాకి 5వ స్థానానికి చేరుకున్నాడు. జడేజా 460 రేటింగ్ పాయింట్లతో
టెస్ట్ ఆల్ రౌండర్ ర్యాంకింగ్స్‌లో అగ్రస్థానంలో ఉన్నాడు. ఇక కొంతకాలం నుంచి
అగ్రస్థానంలో ఉన్న ఆస్ట్రేలియా కెప్టెన్ పాట్ కమిన్స్ రెండు స్థానాలు దిగజారి
మూడో ర్యాంకుకు పడిపోయాడు. ఇంగ్లాండ్ సీమర్ జేమ్స్ ఆండర్సన్ అగ్రస్థానానికి
దూసుకెళ్లాడు.