రాజమౌళిని ప్రశంసించిన స్టీవెన్ స్పీల్ బర్గ్..

అర్.ఆర్.ఆర్. సినిమాతో రాజమౌళి ప్రపంచమంతటా ఫేమస్ అయిన సంగతి తెలిసిందే. ఈ
సినిమాకు, దర్శకుడు రాజమౌళికి ప్రపంచవ్యాప్తంగా పేరు ప్రఖ్యాతులు, అవార్డులు
వస్తూనే ఉన్నాయి. ముఖ్యంగా హాలీవుడ్ లో ఈ సినిమాని, రాజమౌళిని
ఆకాశానికెత్తేస్తున్నారు. గత కొన్ని నెలలుగా రాజమౌళి అమెరికాలోనే ఉండి RRR
సినిమాని ప్రమోట్ చేస్తూ ఆస్కార్ కోసం ఎంతగానో ట్రై చేస్తున్నారు. ఇక ఇటీవలే
నాటు నాటు సాంగ్ కు ఆస్కార్ తర్వాత అత్యంత ప్రతిష్టాత్మకమైన గోల్డెన్ గ్లోబ్
అవార్డును బెస్ట్ ఒరిజినల్ సాంగ్ విభాగంలో గెలుచుకున్నారు. ఇక ఇండియానా
జోన్స్, జురాసిక్ పార్క్, ది అడ్వెంచర్స్ ఆఫ్ టిన్ టిన్ వంటి భారీ సినిమాలని
తెరకెక్కించిన స్టీవెన్ స్పీల్ బర్గ్, ఆర్ఆర్ఆర్ మూవీ డైరెక్టర్ రాజమౌళి పై
ప్రసంశలు కురిపించిన సంగతి తెలిసిందే.
అయితే లేటెస్ట్ గా వీరిద్దరూ కలిసి ఒక వీడియో లైవ్ కార్యక్రమంలో
పాల్గొన్నారు. స్పీల్ బర్గ్ లేటెస్ట్ గా తెరకెక్కించిన ది ఫాబెల్ మాన్స్
సినిమాకి సంబంధించి జరిగిన ఈ లైవ్ లో మరొక్కసారి రాజమౌళిని మరింతగా
ప్రసంశించారు. ఇక వీరిద్దరి వీడియో లైవ్ ని కొద్దిసేపటి క్రితం యూట్యూబ్ లో
రిలీజ్ చేశారు. ఇందులో మీ మూవీ అద్బుతంగా ఉందని, నేను ఎంతో ఎంజాయ్ చేశానని
రాజమౌళితో స్పీల్ బర్గ్ చెప్తున్న మాటలు గమనించవచ్చు. అయితే ఆ మాటలు విన్న
రాజమౌళి, ఒక్కసారిగా నాకు ఇపుడు ఈ వీడియో ఆపేసి ప్రక్కకు వెళ్లి డ్యాన్స్
చేయాలనిపిస్తోంది అని అంటారు. కాగా, ఈ ఇద్దరు దిగ్గజ దర్శకుల సంభాషణ తాలూకు
ఫుల్ వీడియో ప్రముఖ సంస్థ రిలయన్స్ ఎంటర్టైన్మెంట్స్ వారి యూట్యూబ్ ఛానల్
ద్వారా రిలీజ్ అయి అందరినీ ఆకట్టుకుంటూ మంచి వ్యూస్ తో దూసుకెళుతోంది.