నిద్ర మాత్రలు, మందులతో చిత్తవైకల్యం..

నిద్ర మాత్రలు, మందులు డిమెన్షియా అభివృద్ధి చెందే ప్రమాదాన్ని పెంచుతాయని
తాజా పరిశోధనలు వెల్లడిస్తున్నాయి. ప్రజలు పెద్దయ్యాక సాధారణంగా కనిపించే
నిద్ర ఆటంకాలు, అన్ని రకాల చిత్తవైకల్యం ప్రమాదాన్ని పెంచుతాయి. సీడీసీ
ప్రకారం యునైటెడ్ స్టేట్స్‌లో 10 శాతం కంటే ఎక్కువ మంది పెద్దలు
నిద్రపోవడానికి చాలా రోజులు మందులు తీసుకుంటారు.
ముఖ్యంగా శ్వేతజాతీయులలో తరచుగా నిద్ర మందులు వాడటం వల్ల డిమెన్షియా
వచ్చే ప్రమాదం ఉందని కొత్త అధ్యయనం కనుగొంది.
సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) ప్రకారం, 18 ఏళ్లు లేదా
అంతకంటే ఎక్కువ వయస్సు ఉన్న పెద్దవారిలో 8.4 శాతంమంది క్రమం తప్పకుండా
నిద్రపోవడానికి మందులు తీసుకుంటారు. వృద్ధులలో, వినియోగం ఎక్కువగా ఉంది, 65
ఏళ్లు పైబడిన వారిలో 11.9 శాతం మంది నిద్ర మందులను ఉపయోగిస్తున్నారు. వయసు
పెరిగే కొద్దీ నిద్ర రుగ్మతలు వచ్చే అవకాశం ఎక్కువ ఉంటుంది. అయితే శాన్
ఫ్రాన్సిస్కోలోని కాలిఫోర్నియా విశ్వవిద్యాలయం నుంచి వచ్చిన కొత్త పరిశోధన
ప్రకారం కొంతమందికి ఈ మందులు మంచి కంటే ఎక్కువ హానిని
కలిగిస్తాయని వెల్లడించింది.