కియారా, సిద్దార్థ్ వివాహానికి జైసల్మేర్ సూర్యగఢ్ ప్యాలెస్ సిద్ధం..

బాలీవుడ్‌ స్టార్ జోడి కియారా అద్వానీ, సిద్దార్ధ్ మల్హోత్రా వెడ్డింగ్ కోసం
రాజస్థాన్‌లోని ఓ రాజకోట సిద్దమైంది. వారి వెడ్డింగ్ ఏర్పాట్లు గ్రాండ్‌గా
జరుగుతున్నాయి. ఈనెల 6వ తేదీ సోమవారం వీరిద్దరు వివాహబంధంతో ఒక్కటవుతున్నారు.
ఇందుకు రాజస్థాన్‌ రాష్ట్రం జైసల్మేర్‌లోని సూర్యఘర్ ప్యాలెస్ వేదికగా
మారింది. అందుకే ఇరు కుటుంబాలకు చెందిన బంధువులు, కుటుంబ సభ్యులు శనివారమే
జైసల్మేర్ చేరుకున్నట్టు సన్నిహిత వర్గాలు చెప్పాయి. ఇండస్ట్రీకి చెందిన
సెలబ్రిటీలతో పాటు మొత్తం 150మంది వీవీఐపీలను మాత్రమే ఈ వెడ్డింగ్‌కి
ఆహ్వానించినట్లుగా తెలుస్తోంది. 6వ తేదీ జరిగే పెళ్లి కోసం కియారా అద్వానీ,
సిద్దార్ధ్ మల్హోత్రా ఫిబ్రవరి 5 న జైసల్మేర్ చేరుకున్నారు. సూర్యాఘర్‌
ప్యాలేస్‌లో తమకోసం ఏర్పాటు చేసిన గదుల్లో రెడీ అవుతారు. ఇక స్టార్ జోడి
వెడ్డింగ్ ఏర్పాట్లను ముంబైకి చెందిన ఓ వెడ్డింగ్ ప్లానర్ కంపెనీ చూస్తోంది.