డేవిస్ కప్ టోర్నమెంట్‌లో భారత్‌కు నిరాశ 1తో వెనుకంజ

పటిష్ట డెన్మార్క్‌తో డేవిస్‌ కప్‌ పోరును భారత్‌ పేలవంగా ఆరంభించింది. తొలి
రోజు డెన్మార్క్‌తో జరిగిన మొదటి సింగిల్స్‌ మ్యాచ్‌లో యుకీ భాంబ్రి పరాజయం
పాలయ్యాడు. ఫలితంగా భారత్‌ 0-1తో వెనుకబడింది. శుక్రవారం వరల్డ్‌ గ్రూప్‌-1
ప్లేఆఫ్స్‌లో భాగంగా జరిగిన తొలి సింగిల్స్‌లో యుకీ భాంబ్రి 2-6, 2-6తో ప్రపంచ
9వ ర్యాంక్‌ ఆటగాడు హోల్డర్‌ రూన్‌ చేతిలో వరుస సెట్లలో చిత్తయ్యాడు. యుకీ..
ప్రత్యర్థికి ఏమాత్రం పోటీ ఇవ్వలేకపోయాడు. ప్రతి సెట్‌లోనూ రెండుసార్లు
భాంబ్రి సర్వీస్‌ను బ్రేక్‌ చేసిన రూన్‌.. అలవోకగా మ్యాచ్‌ను నెగ్గి
డెన్మార్క్‌ను ఆధిక్యంలో నిలిపాడు. శనివారం డబుల్స్‌, రెండు రివర్స్‌
సింగిల్స్‌ మ్యాచ్‌లు జరగనున్నాయి.