ఫిబ్రవరి 11 నుంచి హైదరాబాద్‌లో ఫార్ములా- ఈ రేస్..

హైదరాబాద్ వేదికగా మరో అంతర్జాతీయ ఈవెంట్ జరగబోతోంది. హుస్సేన్ సాగర్ తీరంలో
వచ్చే నెలలో ఫార్ములా- ఈ రేస్ జరగనుంది. ఫిబ్రవరి 11న ఈ పోటీలు జరగనుండగా..
దానికి సంబంధించిన ఏర్పాట్లు చురుగ్గా చేస్తున్నారు. హైదరాబాద్‌లో జరిగే
ఫార్ములా- ఈ రేస్ కోసం హుస్సేన్ సాగర్ పరిసరాల్లో 18 మ‌లుపుల‌తో 2.8
కిలోమీట‌ర్ల పొడ‌వైన‌ సర్క్యూట్‌ను ఏర్పాటు చేశారు. ఈ రేస్ కోసం తుది మెరుగులు
దిద్దుతున్నారు. బారికేడ్లకు రంగులు వేస్తున్నారు. ఈ ఈవెంట్‌కు ప్రేక్షకులు
భారీగా తరలివస్తారన్న అంచనాలున్నాయి.
2023 హైదరాబాద్‌ – ఈ ప్రిక్స్ పేరుతో ఈవెంట్‌ను నిర్వహిస్తున్నారు.
ఫార్ములా- ఈ వరల్డ్‌ ఛాంపియన్‌షిప్‌కి సంబంధించిన టికెట్లను ఇప్పటికే
ఆన్‌లైన్‌లో అందుబాటులో ఉంచారు. బుక్‌మై షోలో టికెట్స్‌ కొనుగోలు చేసుకోవచ్చు.