ఇంద్రకీలాద్రి : విజయవాడ ఇంద్రకీలాద్రిపై దసరా శరన్నవరాత్రి వేడుకలు ఘనంగా జరుగుతున్నాయి. రెండో రోజు గాయత్రీదేవి అలంకరణలో భక్తులకు దుర్గమ్మ దర్శనమిచ్చారు. గాయత్రీదేవి అవతారంలో ఇవాళ రాత్రి 11 గంటల వరకు భక్తులకు అమ్మవారు అభయప్రదానం చేయనున్నారు. తొలిరోజు అధికంగా భక్తులు రావడంతో క్యూలైన్ల నిర్వహణను ఇవాళ అధికారులు కట్టుదిట్టం చేశారు.
భ్రమరాంబదేవికి శ్రీచక్రార్చన : శ్రీశైలంలోనూ దసరా మహోత్సవాలు వైభవంగా సాగుతున్నాయి. రెండో రోజు భ్రమరాంబదేవికి శ్రీచక్రార్చన, కుంకుమార్చనలు నిర్వహించారు. సాయంత్రం బ్రహ్మచారిని అలంకారంలో అమ్మవారు దర్శనం ఇవ్వనున్నారు. సాయంత్రం స్వామి, అమ్మవార్లకు మయూర వాహన సేవ జరగనుంది.
