ప్రతి ఇంటికి వెళ్లి చంద్ర బాబు అక్రమ అరెస్టును వివరించండి : రూరల్ ఎమ్మెల్యే కోటంరెడ్డి శ్రీధర్ రెడ్డి

నెల్లూరు : క్లస్టర్ ఇంచార్జులతో, కార్పొరేటర్లతో, డివిజన్ ఇంచార్జులతో,
డివిజన్ అధ్యక్షులతో రూరల్ ఎమ్మెల్యే కోటంరెడ్డి శ్రీధర్ రెడ్డి, టీడీపీ
నాయకులు కోటంరెడ్డి గిరిధర్ రెడ్డి ఆదివారం ప్రత్యేక సమావేశం నిర్వహించారు.
రాష్ట్రంలో ఏ సర్వే చూసినా టీడీపీ ప్రభంజనం ఖాయంగా కనిపిస్తోందని, ఆఖరికి
ఎప్పుడూ కూడా బయటకి రాని నారా బ్రాహ్మణి కూడా విధులలోకి వచ్చి తెగించి పోరాటం
చేస్తుందని రూరల్ ఎమ్మెల్యే కోటంరెడ్డి శ్రీధర్ రెడ్డి అన్నారు. తెలుగుదేశం
పార్టీకి నెల్లూరు రూరల్ లో పటిష్టమైన నాయకుల, కార్యకర్తల బలగం ఉందని, 2024
ఎన్నికల్లో నెల్లూరు రూరల్ లో తెలుగుదేశం పార్టీ జెండా రెపరెపలాడబోతుందన్నారు.
వచ్చే ఎన్నికల్లో తెలుగుదేశం పార్టీ గెలుపును ఎవ్వరూ ఆపలేరని రూరల్ ఎమ్మెల్యే
కోటంరెడ్డి శ్రీధర్ రెడ్డి స్పష్టం చేశారు. ఈ కార్యక్రమంలో తెలుగుదేశం పార్టీ
రాష్ట్ర కార్యదర్శి జెన్ని రమణయ్య, క్లస్టర్ ఇంఛార్జులు సాబీర్ ఖాన్, నెల్లూరు
మురళి, కంటే వెంకట సాయి బాబా, రాజా నాయుడు, మన్నేపల్లి రఘు, అల్లాభక్షు,
సారంగం గున్నయ్య, తెలుగుదేశం పార్టీ రూరల్ మండల కన్వీనర్ పముజుల ప్రదీప్,
రూరల్ మహిళా అధ్యక్షురాలు వనజా రెడ్డి తదితరులు పాల్గొన్నారు.