తండ్రి ఎవరో చెప్పుకోలేని దౌర్భాగ్యస్థితిలో చంద్రబాబు : పేర్ని నాని

విజయవాడ : టీడీపీ అధినేత చంద్రబాబు వ్యాఖ్యలకు మాజీమంత్రి పేర్నినాని
స్ట్రాంగ్ కౌంటర్ ఇచ్చారు. గత 40 ఏళ్లలో చంద్రబాబు ఏనాడూ తన తండ్రి ఎవరో ఈ
ప్రపంచానికి చెప్పుకున్న దాఖలాలు లేవని విమర్శించారు. తన తండ్రి ఎవరో
చెప్పుకోలేని దౌర్భాగ్యస్థితిలో చంద్రబాబు ఉన్నాడని మండిపడ్డారు. తాను
రాజశేఖర్ రెడ్డి, విజయమ్మల కుమారుడినని ముఖ్యమంత్రి జగన్‌ మోహన్‌రెడ్డి నిత్యం
చెప్పుకుంటారని తెలిపారు. తల్లిదండ్రుల పేర్లు చెప్పుకోలేని చంద్రబాబు సీఎం
జగన్‌ గురించి తప్పుగా మాట్లాడుతున్నాడని ఆగ్రహం వ్యక్తం చేశారు. తల్లి ,
తండ్రి చనిపోతే తలకొరివి పెట్టలేని వాడు నేటికీ రామారావు అల్లుడినని
చెప్పుకుంటాడని చంద్రబాబుపై మండిపడ్డారు. 80 ఏళ్ల ముసలినక్క చంద్రబాబు వయసుకు
తగ్గ మాటలు మాట్లాడితే బాగుంటుందని ఎద్దేవా చేశారు.