నాకు అవార్డు వస్తే చెత్తబుట్టలో వేస్తాను: విశాల్

అవార్డులపై తనకు ఎలాంటి నమ్మకం లేదని, ఒకవేళ తనకు అవార్డులు వస్తే వాటిని
చెత్తబుట్టలో పడేస్తానని నటుడు విశాల్ పేర్కొన్నారు. అదిర్ రవిచంద్రన్
దర్శకత్వంలో విశాల్ నటించిన చిత్రం ‘మార్క్ అంటోని’. వినాయకచవితి సందర్భంగా ఈ
నెల 15న సినిమా విడుదల కానుంది. ఈ నేపథ్యంలో చెన్నైలో జరిగిన కార్యక్రమంలో
జాతీయ అవార్డులకు సంబంధించిన ప్రశ్నకు విశాల్ బదులిస్తూ అవార్డులపై నాకు
అస్సలు నమ్మకం లేదు. ప్రజలందరూ కలసి ఇచ్చేదే నిజమైన అవార్డు ప్రేక్షకుల
ఆశీస్సులతో ఇన్నేళ్లపాటు పరిశ్రమలో నిలదొక్కుకుంటూ చిత్రాల్లో నటిస్తున్నా
నిజానికి అదే నాకు పెద్ద అవార్డు. ఒకవేళ నేను నటించిన చిత్రాలకు అవార్డు
వచ్చినా వాటిని చెత్తబుట్టలో పడేస్తానని తెలిపారు. రాజకీయ ప్రవేశం, ఎన్నికల్లో
పోటీ గురించి అడిగిన ప్రశ్నకు ‘జీవితంలో ఏదైనా జరగొచ్చు ఒకప్పుడు నటీనటుల
(నడిగర్) సంఘం ప్రధాన కార్యదర్శిగా ఉన్న రాధారవి నన్ను సంఘం సభ్యుడిగా చేరమని
పలుమార్లు అడిగారు ఆ తర్వాతే చేరాను. కొంత కాలానికి అదే సంఘంలో ఆయనకు పోటీగా
ఎన్నికల్లో దిగి ప్రధాన కార్యదర్శిగా గెలుపొందాను. అదే విధంగా భవిష్యత్తులో
ఏదైనా జరగొచ్చు. మన చేతుల్లో ఏమిలేదని తెలిపారు.